Davao City – Nagpahimangno si Davao City Mayor Sara Duterte-Carpio sa publiko labot sa ‘warning’ gikan sa World Health Organization (WHO) nga dako’ng rason ang parties sa Christmas celebrations sa pagtaas sa kaso sa Coronavirus Disease 2019 (COVID-19) sa sunod tuig, 2021.
Matud sa Alkalde nga mamahimo man nga magkatapok ang pamilya sulod sa balay apan kinahanglang dili nangimbita sa uban aron malikayan ang balatian hatud sa COVID-19.
“Ang merrymaking during a Christmas celebration will mostly likely contribute to increase of cases by next year. Basin ma lost sa mga tao kadtong reminder sa World Health Organization nga ang pinaka secure/safe sa atoang tanan karon is do not go house hopping sa mga Christmas parties,” tataw sa Alkalde.
Tambag sa Mayor nga mamahimo’ng magbaton og reunion ang mga paryente pinaagi sa virtual nga pamaagi sa selebrasyon sa Noche Buena.
Nangayo og igo’ng pagsabot ang Alkalde labot sa istriktong pagsunod sa mga health and safety protocol nga ginapatuman aron malikayan ang pagkuyanap pa sa COVID-19 sa dakbayan.
*RadyoMaN Kirby Manzon*
*tags: DXDC 621 RMN Davao *
