Christmas party gidili gihapon sa Davao

Davao City- Subling gipahibalo sa Davao City Tourism Operations Office nga gidili gihapon ang pagpahigayon og Christmas Parties.

Matud ni Generose Tecson, City Tourism Operations Officer, wala silay nadawat nga memorandum o guidelines gikan sa Department of Interior and Local Government (DILG) sa pagtugot sa mga Christmas parties ug uban pang non-essential activities sa tanang government ug private offices.

Nagpasidaan si Tecson, mamahimong matanggalan og business permits ang establishments, hotels ug uban pang mga venues kung maaktohan ug masayran nga nagpahigayon kini og Christmas parties ilabina sa mga large gatherings nga mamahimong hinungdan sa pagkaylap sa COVID-19.


“Right now we are very happy that things are leveling of na bumaba po iyong mga cases natin but it is not cause to magpabaya po tayo kasi COVID-19 is very much around. Be sensible with your activities lalong-lalo na po pag lumalabas po tayo na kasama natin iyong mga anak natin na unvaccinated. Make sure you follow minimum public health standard and most importantly please celebrate responsibly,” matud niini.

Gibutyag ni Tecson, ang mga social events lang ang gitugot sama sa kasal, bunyag ug birthday party apan kinihanglang sundon ang 50% capacity sa indoors kung himoon samtang 70% sa outdoors subay sa mando sa Inter Agency Task Force (IATF).

RadyoMaN Aimee Guinita

Facebook Comments