CIDG CDO, gipasanginlan nga maoy nagdala og ebedensiya sa panimalay sa gituohang person of interest, sa pagpatay ni USTP Pres. Ricardo Rotoras.

40

*Gikwestyon karon sa kampo sa giilang person of interest nga si architect Rey Galua ang Criminal Investigation and Detection Group kalabot na sa mga nakuhang eksplosibo ug armas sa pinuy-anan niini sa Gran Europa, Brgy. Lumbia, Cagayan de Oro City.*

*Kini human gipahibalo sa C-I-D-G nga aduna silay nakuhang duha ka granada, duha ka caliber .45 nga armas ug tag-usa ka 9mm ug .38 revolver, lakip na ang mga bala sa M-16 rifle.*

*Matud ni Atty. Arturo Ubaub, ang abogado ni architect Rey Galua nga mga planted evidence lamang ang maong mga butang nga busa ilang iduso ang kaso sa insaktong forum.*

*Dugang pa ni Atty. Ubaub, nga 9mm ug kaibre .45 nga pistol lamang ang gipanag-iyahan ni Galua nga adunay kumpletong mga papeles. *

*Samtang……*

*Gipanghimakak usab ni CIDG chief investigator SPO4 Noel Oclarit nga nagdala sila og mga armas ug granada aron lamang ibutang sa pinuy-anan ni Galua.*

*Dugang pa niini, nga dili nila trabaho ang pagbutang-butang og ebedensya nga bakak aron lamang adunay ikapakita. *

*Mahinumdoman, nga gikasohan si Galua sa two counts nga kasong criminal nga walay pyansa gumikan sa paghupot niini sa mga arams ug eksplosibo.*

*Nasayran nga ang maong suspek nahimong person of interest sa pagpatay kang Dr. Ricardo Rotoras, ang presidente sa Philippine Association of State Universities and Colleges ug sa USTP niadtong Disyembre dos sa miaging tuig.*
*By; Radyoman Aiza Enloran *

Facebook Comments