Cimatu nag-awhag og garbage-free election

12

Davao City – Gikatakdang makigkita si Environmental Secretary Roy Cimatu sa Department of Interior and Local Government ug Commission on Elections subay sa gitinguhang garbage-free nga Barangay ug SK elections karong tuiga.

Lauman nga daghang mga basura ug kalat ang magkatag tungod sa mga posters, flyers, ug uban pang mga campaign materials sa palibot atol sa election period.

Niini angay nga mahisgutan ang mamahimong commitment sa mga involved agencies aron maseguro nga ang tanang mga kandidato panghipuson ug limpyuhan ang ilang kaugalingong mga basura gikan sa ilang mga campaign materials ug mutabang sila sa pagpanglimpyo sa palibot ilabina human sa piniliay.

Gitataw ni Cimatu nga dili lamang sa matag eleksyon garbage-free ang mga lugar apan bisan pa man walay dagkong aktibidad batasonon ang paglimpyo ug pagpanghinlo sa palibot.

Matud ni Cimatu wala pa sila’y pormal nga panagistorya uban ang COMELEC ug DILG kalabot sa iisyung manifesto nga angay tumanon sa mga mupapili karong eleksyon.

RadyoMaN Aimee Guinita

Facebook Comments