Davao City – Naghinamhinam na ang Davaoeños sa gikatakdang pag-abli asa City College of Davao (CCD), kini human nga gianunsyo sa City Government of Davao nga nagpadayon karon ang pagproseso sa gikinahanglang rekisitos alang sa operasyon sa maong eskwelahan.
Sa City College of Davao Facebook page, gibutyag nga sugdan ang administrative operations sa eskwelahan karon nga bulan (September) ug target nga ablihan ang enrollment alang sa Academic Year (AY) 2023-2024 sa June 2023.
Nanghinaut ang Davaoeño nga si Leywelyn Oñada nga adunay itanyag nga scholarship sa CCD ilabina alang kanila nga walay ikagasto sa pagpatungha sa ilang mga anak sa kolehiyo.
“Naa koy studyante unta kaso wala jud tawon naka school sa College kay wala jud koy kakayahan magasto. Gusto siya moeskwela,” komento niini.
Abli usab ang eskwelahan nga motubag sa mga pangutana sa publiko pinaagi sa pag-email sa citycollegeofdavao@gmail.com.
RadyoMaN Kirby Manzon
Facebook Comments
