Roxas City, Capiz- Gin-aprobahan na sang city council ang conferment sang apppointment ni Acting City Administrator Lorie Bell Usison bilang GSO Head.
Antes pa man sini una na nga nagkwestiyon sang qualifications ni Usison amo si City Councilor Jericho Celino kag namangkot kun bala wala na sang iban nga may nag-apply sa posisyon sang GSO Head.
Gin-athag ni Celino nga wala ini nagapamalabag sa appointment ni Usison bilang GSO Head kundi nga base sa iya nga paglantaw yara sa Gender and Development(GAD) ang specialty ukon skills ni Usison.
Sa tunga sang mga pamangkot sang pila ka mga konsehales nagpasalig si HR head Marilyn Alabaran nga qualification-wise wala sang problema sa appointment ni Acting City Administrator Lorie Bell Usison bilang GSO Head.
Suno diri tuman ka damo sang work experience ni Usison agud nga ma-qualify sa amo nga posisyon.
Gin athag man ni Albaran nga wala sang violation sa layi ang pag-appoint kay Usison bilang GSO head bangud nga ang posisyon sini bilang City Administrator ang designated gid lamang kun sa diin ginalantaw nga sa mas madali nga panahon maga-appoint naman sang permanente gid nga si City Administrator si Roxas City Mayor Ronie Dadivas.
