City Council sang Bacolod nagpasar sang resolusyon gin address sa Philhealth kag kay President Duterte para mabayaran ang utang sang State Health Insurer sa Regional Hospital

29

Nagpasar sang resolusyon ang Sangguniang Panlungsod sang Bacolod nga naka-address sa pamunuan sang PhilHealth, kay Presidente Rodrigo Duterte kag National Inter-Agency Task Force nga nagahingyo na sa state health insurer nga bayaran ang utang sini nga P135 million sa Corazon Locsin Montelibano Memorial Regional Hospital (CLMMRH).

Suno kay Vice Mayor El Cid Familiaran, nagligad nga Mierkoles sang ginpasar sang city council ang resolusyon, kag magluwas sa CLMMRH, ginpangabay man sang mga opisyal nga ang tanan nga hospital sa Negros Occidental sa diin may utang ang PhilHealth, ang dapat nga bayaran na bangud kinahanglanon ini sa tunga sang pandemic.


Samtang suno kay Familiaran, nahangpan niya kun nagpahibalo ang pamunuan sang CLMMRH nga yara na sa critical nga level ang Automated Extraction Kits sang Molecular Laboratory nga amo ang naga-proseso kag naga-detect sang SARS-COV-2 (COVID-19).

Gindugang sang bise-alkalde nga resulta ini kun wala na sang hulagon nga kwarta ang hospital. Bangud nga indi anay magbaton sang swab samples ang regional hospital sa karun, ginaplano sang city government nga magpadala lang anay sa Teresita Lopez Jalandoni Provincial Hospital sa Silay City ukon sa ciudad sang Iloilo.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments