City Councillor Mara-Mara, gipasalig nga tutukan ang problema sa supply sa tubig sa siyudad sa Malaybalay

31
OLYMPUS DIGITAL CAMERA
Gipatawag adtong Martes, Hulyo 26, 2022 sa gihimong regular session sa Sangguniang Panlalawigan (SP) ning siyudad sa Malaybalay ang kadumalahan sa prime water.

Kini aron ipaklaro ang hinungdan sa problema sa suplay sa tubig ilabina sa Southern Malaybalay.

Nasayran nga taod-taod na nga gi-antos sa mga konsumante ang usahay lang nga agas sa tubig ug mas taas pa ang oras sa walay agas.

Sa interview sa RMN Malaybalay ngadto kang City Councilor Engr. Melchor Mara-mara, ang naghupot sa komitiba sa public utilities sa konseho gibutyag niini nga gipahayag sa taga Prime Water nga aduna matud pay igong suplay sa tubig sa siyudad apan aduna matud pay problema sa distribution niini ilabina nga adunay mga leakage sa mga pipelines.

Matud pa ni Konsehal Mara-mara nga usa sa nakita nila nga solusyon karon ang pag-sourcing sa tubig sa Lalawan, Dalwangan ning siyudad nga kung hingpit nang ma-realized dakong tabang kini aron mas mabastante pa ang tubig sa siyudad.

Dungan niini, gipasalig sa konsehal nga iya kining tutukan isip naghupot sa komitiba sa public utilities.

Facebook Comments