CITY COUNCILOR GACAL, DISMAYADO SA DESISYON SA LOCAL IATF NGA IPADAYON ANG LOCKDOWN MATAG DOMINGO

25

General Santos City–Gikasubo ni Gensan City COUNCILOR Atty. Jeng Gacal ang pag-apruba sa local IATF sa Pagpadayon sa implemementasyon sa No Movement Sunday luyo pa man sa pag-pasar sa hawanan sa konseho ug resolusyon nga nagahangyo nga kini i-undang na.
Subay sa impormasyon nga naka-abot kaniya, nagpahigayon ug botasyon ang local IATF sa maong lakang kung asa kasagaran ang mi-uyon nga kini ipatuman hangtud sa Nobyembre 15.
Sumala niya nga kung botasyon lang ang gihimo, dili matud pa kini angayan nga himuong basehan sa pagpadayon sa ‘No Movement Sunday’.
Dugang pamahayag ni Kag, Gacal nga dismayado siya sa maong lakang sa local IATF, alang kaniya sulod sa halos pito na kabulan nga No Movement Sunday, wala matud pa siyay nakita nga kalahian sa pagtaas sa kaso sa covid-19 sa syudad.
Subay matud pa sa iyahang nabasahan nga dili tubag ang lockdown sa pagbatok sa covid-19 ug dakong pangutana kaniya nganong kini padayon pang gina-implementar sa syudad.
Buot matud pa niyang makita ang minutes sa nahimong meeting sa local IATF ug nganong nakahimo sila sa desisyon nga ipadayon ang No Movement Sunday.(LVR)

Facebook Comments