Nagpahimangno karon ang City Engineering Office batok sa mga nagtukod ug gambalay nga walay building permit.
Sa interview sa RMN Malaybalay ngadto kang City Engineer Elpidio Sumanduran, gibutyag niini nga daghan na sila’g mga na-isyuhan sa notice of illegal construction nga mga commercial ug residential building tungod sa kawad-on sa building permit.
Kasagaran matud pa sa hinungdan sa pipila mao nga dili makompleto ang rekisitos tungod sa problema sa right of way, ug problema sa titulo sa yuta.
Gipaniguro usab ni Sumandruan nga adunay gihimo nga lakang ang iyang buhatan aron kini ma-regulate.
Mas gihimo matud pang mubo ug sayon karon ang pagkuha sa building permit kung kaniadtong 15 ka adlaw karon makuha na kini sulod sa 2 ka adlaw kung kompleto lang ang requirements.
Alayon niini nanawagan ang City Engineer sa mga mutukod ug gambalay nga kinahanglan una mulukat ug building permit sa Office of the Building Officials tungod ug alang sa kaayuhan sa tanan.
