City Engineer’s Office: Davao gov’t offices luwas sa linog, alarming damage sa i-report

Davao City – Gi-awhag sa City Engineer’s Office (CEO) partikular na ang mga nanag-iya og mga pribadong gambalay nga gilayong i-report sa buhatan ugaling nagbaton ang ilang building og alarming damage tungod sa linog.

Sa interbyu sa DXDC RMN Davao kang Engineer Joseph Dominic Felizarta, Head sa CEO, gibutyag niini nga luwas sa peligro ang mga government offices ug establishments sa syudad sa bag-ohay nga linog samtang sa mga pribadong gambalay, kinahanglang personal kining i-inspeksyon sa nagdumala human sa pagtay-og.

“Naay uban nga gusto magpa-assess sa ilahang building pero kini under sa atong national building code, ilaha man nang responsibility nga kung naay earthquake, ilaha dayong tan-awon ilahang building. Ilang i-report didto sa Office of the City Building Office (OCBO),” tataw ni Felizarta.


Gipasabot ni Felizarta nga ugaling alarming na ang sitwasyon sa usa ka gambalay, naga pahigayon og joint inspection ang CEO, OCBO, ug Philippine Institute of Civil Engineers (PICE) Davao City Chapter aron gilayong masusi ang maong gambalay.

Gipanawagan usab sa CEO Head ang publiko ug barangay officials, nga i-report ang mga mahibaloang cracks sa usa ka gambalay, eskwelahan o tulay nga posibleng muhatud og peligro sa katawhan aron kini maaksyonan.

RadyoMaN Kirby Manzon

Facebook Comments