ILOILO City – Nagapang-agda si Mayor Jose Espinosa III sa kabataan nga mahiligon sa sports nga mangin kabahin sang summer sports clinic sang syudad.
Suno sa alkalde libre ini nga sports clinic para sa mga residente sang syudad.
Katuyuan sini na madevelop ang mga skills sang mga kabataan sa nagkalainlain nga sports kaangay sang taekwondo, arnis, lawn tennis, table tennis, volleyball kag iban pa.
Pahayag ni Espinosa tuigan niya ini nga ginahimo agud may mawilihan ang mga kabataan sat i-on sang bakasyon.
Nahibaluan nga mismo ang alkalde ang mahiligon man sa sports ilabi na ang hampang nga lawn tennis// via Joel Franco reports
Photo from web
Facebook Comments
