City government nagsugod na sa konsultasyon sa pagatukuron nga modern nga central market

Nagsugod na sang konsultasyon ang syudad para sa ginaplano nga moderno nga Iloilo Central Market.

Suno kay City Administrator Atty. Hernando Galvez, nagpakita sang interes ang mga market vendors sa nakita nga plano sang merkado.

Ginaplano sang syudad nga himuon nga phase by phase ang construction agud indi maapektuhan ang palangabuhian sang mga vendors.


Ang bag-o nga merkado may indi magnubo sa walo ka panalgan kag mangin balay sang bpo’s, national government offices kag iban pa nga mga opisina.

Pabugal ni Galvez, patindugon sang syudad ang merkado nga mangin tourist attraction kag mangin must visit place para sa mga turista.

Pasalig ni Galvez, mangin bentaha ini sa mga vendors sang merkado bangud mas magadamo ang ila customer.

Ginsiling ni Galvez nga isa ini sa mangin flagship projects ni Mayor Jose Espinosa III kun mahatagan sang pagsalig sang publiko.

Matapos ang konsultasyon, ipasa sa City Council ang plano para sa approval.

(photo from web)

Facebook Comments