City gov’t support sa Mental Health gikalipay

21

Davao City – Gikalipay sa Philippine Mental Health Association-Davao Chapter ang pagkapasa sa third and final reading atol sa 34th Regular Session sa konseho bahin sa ordinansa nga pagsuporta sa City Government of Davao ngadto sa ilang ahensiya.

Sumala ni PMHA-Davao Executive Leader Precious Manliguez nga nakabati sila og igong suporta karon gikan sa lokal nga panggamhanan gumikan hingpit nang gigahinan og pondo ang ilang mental health programs sa Dabawenyo.

Usa sa nahilakip nga programa sa PMHA mao ang libreng lectures sa pampublikong tulunghaan ug kabarangayan bahin sa mental health awareness.

Gani nanghinaot si Manliguez nga kanunay na ang suporta sa gobyerno ilabi na nga napirmahan na ang Mental Health Law ug dili na manginahanglan pa og memorandum of agreement kun MOA aron kini i-renew.

Dugang niini nga makapalit na sila og bag-ong testing materials isip tabang sa Institute of Psychiatry and Behavioral Medicine (IPBM) ug City Social Services and Development Office (CSSDO) sa pag-assess sa mga pasyente gumikan na-undang sila karon human nahurot ang paraphernalia.

Samtang malaumon si Manliguez nga ma-aprubahan ang Mental Health Ordinance sa syudad sa Davao nga anaa na karon sa second reading sa 18th City Council.

RadyoMaN Jason Amisola

Facebook Comments