City Gov’t wala nagpabaya sa COVID infected

24

Davao City – Responsive ug hinanali ang pagsanong sa lokal nga gobyerno ning syudad sa pagtunol og ayuda ngadto sa mga residente sa Barangay 23-C kinsa padayong gipahimutang karon sa total or hard lockdown tungod sa increasing trend sa COVID-19 cases.

Gibutyag karon ni Presidential Commission for the Urban Poor (PCUP) Commissioner Norman Baloro nga bastante pa hinoon ang ayudang pagkaon nga gihatag sa Davao City LGU pinaagi sa City Social Welfare Services and Development Office (CSWD0) ngadto sa mga apektadong residente sa maong barangay.


Gawas sa mga ‘in kind,’ nanghatag usab og utanon, karne ug uban pang mga panginahanglanon ang City Agriculturist Office ngadto sa mga apektado sa hard lockdown sanglit dili man sila makagawas sa ilang balay aron makapalit og pagkaon.

Gisugilon ni Baloro nga adunay igong pondo ang kagamhanang lokal aron i-sustiner ang pagtabang sa katawhan sa Barangay 23-C hangtud dili pa mahuman ang quarantine sa barangay.

Sumala ni Baloro, kapin libo na sa mga residente sa Barangay 23-C ang nadawat sa ‘Work for Davao’ program ug silang tanan nagpadayon og trabaho apan sulod ra sila sa premises sa barangay.

RadyoMaN Joel Viray

Facebook Comments