City health gikaalarma nag paspas nga pagsaka sa isap sa nagpositibo sa HIV sa Gensan

General Santos City–Dugay na matud pang na-alarma ang panggamhanan sa syudad sa Gensan sa padayong pagtaas sa ihap sa mga nag positibo sa HIV (Human Immunodeficiency Virus).

Nasayran nga gisugdan ang monitoring niini sa syudad niadtong tuig 1997 ug ang Pilipinas matud pa ang nag-unang pinakadagan nga HIV-positive sa tibuok kalibutan.

Sumala pa ni Dr. Mely Lastimoso ang labaw sa City Epidemiological Surveillance Unit sa City Health Office nga mukabat na ngadto sa 600 kapin ka mga kaso sa HIV ang nag positibo , kung diin ang 500 niini ang taga Gensan.


Samtang niadtong milabay nga tuig matud pa anaa sa 157 ka mga indibidwal ang nag positibo sa HIV, diin sagad sa ihap niini ang mga lalaki nga nakig-hilawas sa lalaki.

Gipasabot usab niini nga ang tanan nga posibleng mataptan sa HIV virus kadtong mga tawo nga adunay multiple partner ug kadtong mga nakighilawas ug biag kinsa lang.

Gi-awhag ni Lastemoso ang tanang katawhan nga mahidangat sa ilang buhatan aron sayron ang iilang HIV status aron usab nga masuta ug sayo ug matambalan dayon higayon nga magpositibo.

Facebook Comments