Padayon ang pahimangno sa City Health Office ning dakbayan batok sa sakit nga dengue human nasayran nga nagkadaghan ug nagkataas pa ang ihap sa mga nataptan sa maong balati-an.
Sumala ni Dr. Cherlina Cañaveral City Health Office ningsyudad, nga dakong tabang ang pagpakabana sa katawhan ug ang pagkooperar niini aron masumpo og malikay ang tanang miyembro sa pamilya sa sakit nga dengue.
Matud pa niini, nga kinahanglan lang sundon ang 4’s nga pahimangno sa maong ahensya.
Una niini ang Search and destroy o ang pagpangita og pagguba sa mga pinuy-anan sa lamok sama sa ligid, lata, botilya, flower vase, sandayong og kanal. Ikaduha mao ang Secure self –protection o pagpanalipod sa kaugalingon, sama sa pagsuot sa pajama, pantalon og polo. Ikatulo ang Seek early consultation, o ang pagpakonsulta gilayon sa doctor kung gihilantan sulod sa duha ka adlaw samtang ang Ika-upat ang mao ang Support fogging / spraying only in hotspot areas o ang dili pagpataka ug spray kay kini himoon lamang panahon kung adunay dengue outbreak ang usa ka lugar.
Nasayran nga base sa pinaka ulahing datos sa DOH 62,632 ka mga kaso na sa Dengue ang natala sa tibuok nasud.
| | Virus-free. www.avast.com |
