City helath Gensan anaa na sa 88% sa kampanya batok Polio

*General Santos City— Anaa na sa 88% kon 65, 255 nga mga bata sa dakbayan sa gensan ang nabakunahan na ug oral polio gikan sa target nga kapin 75, 500 kung asa mulungtad hangtud sa Disyembre 7 ang polio vaccination.*

*Sumala kang Dra. Jette Oco, labaw sa City Health Office Gensan nga ilaha pang mas gilapdan ang pagahigayon ug bakuna kung asa natapos na matud pa sila sa ubang barangay sama sa Upper Labay, samtang padayon ang ginahimo sa mga far flung barangay.*

*Gawas matud pa sa mga team nga nagalibot sa matag barangay, adunay ginahimo nga mop-up ang World Health Organization aron masigurong tanang bata ang nahatagan ug oral polio vaccine.*


*Samtang gi-angkon ni Dra. Oco nga mi-ubos gyud ang kumpyansa sa publiko sa mga bakuna nga ginahatag sa gobyerno rason nga mi-ubos usab ang ihap sa mga kabataan nga nabakunahan.*

*Pamahayag niya nga tungod sa mga palpak nga bakuna kaniadto, lakip nga ginababagan sa mga ginikanan nga ihatag ngadto sa ilahang mga anak mao ang mga bakuna nga makahatag ug mayong proteksyon ngadto sa ilahang mga anak sama nalang sa polio vaccine.*

Facebook Comments