City Housing nanghatag ug regalo sa mga bata sa Home for Boys atol sa Valentines Day

15

General Santos City–giangkon ni Mary Ann Bacar, labaw sa City Housing ning dakbayan nga dili gyud ma-sustain sa lokal nga pangamhanan ang tanang gikinahanglan sa mga kabataan sa Home For Boys.

Pagpaklaro niya nga tungod sa Procurement Process dugay gyud makaabot sa mga kabataan ang tabang sa lokal nga panggamhanan.

Apan pinaagi sa project heart sa City Housing And Land Management Office ug tabang sa mga pribadong sector, kumbisido siya nga ilahang mapadayon ang maong programa.

Dugang pamahayag ni Bacar nga dako ang epekto sa project heart ngadto sa mga kabataan gumikan pinaagi niini, mabati gihapon nila nga bisan ug aduna silay mga nahimong sayup, aduna gihapoy mga tawo nga andam nga mudawat kanila.

Pamahayag niya nga ilahang ginakumbinsi ang mga kabataan nga maningkamot alang sa ilang mga kaugmaon, gani usa matud pa sa mga nahisgutan ang nakapasa sa ALS ug buot mahimong engineer kung asa nahimo kining ehemplo sa ubang mga kabataan nga anaa sa center.

kalabot niini, nakatakda na matud pang mubalhin sa bahay pag-asa nga nahimutang sa Brgy. Sinawal ang mga kabataan gikan sa home for boys.
Posibleng sa ika-duhang kwarter ning tuiga makabalhin na sila kung asa mukabat sa 42 ka mga kabataang lalaki. Nasayran nga sa kasamtangang ana sa kustudiya sa City Social Welfare And Development Office. (Dave Silagan)

Facebook Comments