By: Joanna Ricote
Ubay-ubay nga mga kontrabando ang nakumpiska sa kapulisan atol sa ilang gipahigayon nga Oplan Galugad sa Misamis Oriental Provincial Jail kaganinang buntag.
Matud ni Police Chief Inspector Ariel Philip Pontillas, ang hepe sa City Intelligence Unit sa Cagayan de Oro City Police Office nga ilang gisusi ang mga selda sa babae ug lalake, kung asa gikalipay niini gumikan kay wala matud pay ginadili nga druga nga ilang nakumpiska.
Nasayran nga mga sigarilyo, cellphone ug mga charger lakip na nga materyales sa paghimo og christmas lantern ang nakuha sa otoridad sama sa rugby ug mga blades.
Katimbang sa City Intelligence Unit ang Divisoria Police Station ug Misamis Oriental Provincial Jail.
Kini ang unang higayon nga gihimo sa CIU ang Oplan Galugad sulod sa MOPJ, samtang matag bulan gahimuon usab sa mga personahe sa MOPJ ang Oplan Galugad sa ilang mga piniriso.
