Otravez ya mantene el City Jail con el diila titolo como un “Drug Free City Jail” despues ya conduci ya tambien inspection o operation greyhound del Domingo aga donde nohay ningun droga o paraphernalia el ya encontra.
El greyhound operation ya conduci el maga personajes del Police Station 11, K-9 Narco Units del Philippine Drug Enforcement Agency y el Philippine Coastguard.
Despues el resquizada ya hace na maga celda solamente maga personal cosas lang ya puede encontra el maga otoridad que ta projibi adentro del jail como el largo sipilyo de diente, peyne, sintoron y otro pa.
Ya tene tambien que destrosa con el maga confiscao cosas projibido na celda seguiendo con el policia del BJMP.
En este resulta, alegre si Chief Insp. Nathanel Aljas el jail warden donde ta hacegura le que salvao el maga detenido y su maga personajes inlujido el maga visita na City Jail porcausa ta puede mantene el seguridad el su mando.
