General Santos City–Gipasigarbo ni Police Lt. Col. Josemari Simangan, Commander sa City Mobile Force Company Gensan (CMFC) nga sulod sa duha ka magkasunod nga tuig, sila ang giila isip best city mobile force company sa tibuok nasud.
Makonsidera niya nga bentaha alang kanila ang ilahang kadaugan sa milabay’ng tuig 2018 sa susamang kategorya.
Nahimo matud pa kadtong inspirasyon kanila aron nga himuong maayo pa ang ilahang performance.
Advantage matud pa nila ang daghang mga accomplishment dili lang sa operasyon kundili bisan na sa administratibo.
Dugang pamahayag ni Police Lt. Col. Simangan nga sa pagkadaug nila sobli sa maong kategorya ang makonsidera niyang hagit alang sa tibuok CMFC Gensan.
Inspirasyon usab kini aron nga himuon pa nila ang ilang best sa ilahang pagpanarbaho hilabina nga adunay taas nga expectation ang katawhan sa han-ay sa kapulisan.(LVR)
