City Vit-Gensan, nabalakang masudlan sa ASF ang Gensan

16

General Santos City–Kinahanglan nga mag-double effort ang mga kasikbit nga lugar sa pagbatok sa african swine fever kon ASF aron nga dili malutsan gumikan nagkaduol na ang virus pasulod sa Gensan.

Sumala kang Dr. Antonio Marin, Labaw sa City Veterinary Office Gensan kung malutsan ang mga tapad nga lugar, dili impossible nga masudlan usab ug virus ang Gensan.


Gi-awhag usab niini ang ubang lugar nga kung mamahimo mag-semi-lockdown na sa pag-transport sa mga produktong gikan sa karneng baboy. Pagpaklaro niya nga ang Gensan Oktubre pa lang naghugot na ug checkpoint bahin niini.

Dugang pamahayag ni Dr. Marin nga higayon nga makasulod na sa mga kasikbit nga lugar ang ASF sama sa South Cotabato ug Sarangani, walay garantiya nga dili masudlan ang Gensan.

Gigayon matud pa nga maigo ug covid ang Gensan, binilyon nga kantidad ang malugi sa ekonomiya samtang anaa sa libuan ang nawad-an ug trabaho.

Pag-angkon niya dako ang posibilidad nga wala kaayo nahatagan ug pagtagad ang problema sa ASF tungod sa covid, apan kinahanglan usab nga bantayan ang border aron masigurong dili malutsan.(LVR)




Facebook Comments