iFM Laoag – Maisayangkat ti maysa a clean up drive idiay ili ti Solsona, Ilocos Norte, daytoy ket kaar-aramid laeng a resolusyon idi kalman Hulyo y otso ita a tawen.
Segun ti maysa nga interview kenni Lawrence Corpuz, Sangguniang Bayan Secretary ti Solsona, napagplanoan a maisayangkat iti nasao a clean up drive babaen ti maysa nga resolution nga naiyuli kenni Mayor Joseph de Lara.
Daytoy ket panagkaykaysa dagiti amin nga opisyales ti ili nga agdalus tunggal alas kuatro iti malem ti Biyernes.
Innayunna pay nga idi rabii ti Sabado, Hulyo y sais, maysa a residente ti Brgy. Juan ti immasideg kenni Mayor de Lara a nagpatulong mainaig iti kaso ti sakit a dengue ken iti nadakamat a dengue outbreak idiay ili ti Badoc, kas nakaalerto met ti ili, mangiyuswat da ti clean up drive tapnun maballaagan dagiti residente nga mangliklik ti sakit.
Kabayatanna, ti clean up drive ket awan pay nakaschedule nga aldaw a maaramid kas maur-uray pay laeng agpapan ita ti pinangaproba ti mayor iti Solsona ti resolusyon a nakuna.
RadyoMaN Joe Anne Agustin, RMN News
