CLOA mas mipaspas ang pagpang apod-apod kumpara sauna- PARPO Soria

Dipolog City-Gipasabot karon ni PARPO II Soria sa Department of Agrarian Refom (DAR) nga nindot na karon ang dagan sa pagpang apod-apod sa Certificate of Land Ownership Awards (CLOA) ngadto sa mga beneficiaries tungod kay mi paspas kumpara sa mga miaging pag panghatag ngadto mga mag-uuma.

Sumala pa ni Soria nga tungod sa ilang stratehiya ila kining naangkon nga kausaban kay mipaspas ang pagproseso ug pagpang apod-apod sa mga titulo sa yuta.

Ilabi na nga naningkamot ang sakop sa DAR-ZDN pinaagi sa mga processor nga matabangan gayod ang mga mag-uuma sa ilang panginahanglanon para makaangkon ug kaugalingong yuta ang mga tenant nga dugay ng nag tikad sa yuta gikan sa ilang katigulangan.


Ila matod pang pangitaan ug sulosyon kun ugaling madugay ang pagproseso niini tungod kay dinhi sa Zamboanga del norte dili sila magpasagad sa ilang trabaho ug hatagan ug maayong serbisyo ang katawhan nga mga mag-uuma dinhi sa probinsya.

Sa pagkakaron aduna pa silay problema sa pagpang apod- apod sa sertipiko ilabi sa ika tulong distrito tungod kay adunay hulga sa kahapsay ug kalinaw sa maong dapit, kini nga mga lungsod gilangkuban sa Sibuco, Sirawai, Siocon ug uban pang mga kasikbit nga kalungsuran, wala matod pa nila kini na adtoan tungod kay adunay mando ang AFP nga dili una mo adto sa area tungod sa mga lawless element nga atoa didto.

Moabot sa 13 ka mga land holding ang nagpaabot nalang mga mahatag sa hingtungdan human kini masubay sa ilang ahensya.

Facebook Comments