Ang maong direktiba gipatuman sa Department of Agriculture (DA) – Bureau of Fisheries and Aquatic Resources (BFAR) – Davao ug Department of the Interior and Local Government (DILG) – Davao ilawom sa Joint Administrative Order No. 02, diin kini gipatuman sulod na sa napulo ka tuig, sugod niadtong 2014.
Sa interbyu sa DXDC RMN Davao sa BFAR-XI, sulod sa tulo ka bulan, gidili ang pagpanakop og small pelagic species o mga isda sama sa karabalyas, galunggong ug matambaka gamit ang bag nets, ring nets ug susamang mga gamit. Kini aron nga mahatagan og panahon nga managhan ang mga isda ug magbaton og igong suplay niini.
Ang mga indibidwal nga musupak ug makalapas sa maong direktiba, mamahimong makamulta o manubag subay sa balaod.
RadyoMaN Kirby Manzon
