Coal Mineral naharang sa lungsod Liloy

191

Ang hini-usang operatiba sa Liloy MPS ug Provincial Environment Management Office (PEMO) nagpahigayon ug pagharang sa Liloy MPS COMPAC nahimutang sa bry. Kayok, lungsod sa Liloy niadtong nakalabayng adlaw mga alas 11:15AM.

Didto ilang naharang ang usa ka Fuso truck (wing van) nagtangag sa plaka numero 030110, gimaneho ni Brendo Tamine Simbajon, 48 anyos, residente sa Brgy. Sta. Maria, dakbayan sa Pagadian.


Ang nahisgutan nga sakyanan naka rehistro kini sa pangalan ni Feliciano Mahayac nga taga Malaybalay, Bukidnon ug aduna kini karga nga coal mineral gibana-banang mo kapin kun kulang 25cubic meter gikan sa Siay, Zamboanga Sibugay padulong kini dinhi sa dakbayan sa Dipolog.

Sa pag beripika sa kapulisan gipakita ang mga dokumento ug didto nasayran nga ang maong coal mineral gikan pa kini sa Bislig City.

Dugang pa, ang certification for transport paso na tungod kay ang petsa Nov. 28, 2017 pa.

Ang nahisgutan nga cargo truck anaa na karon sa kustodiya sa Environment Management Office (PEMO) alang sa dugang imbistigasyon.



Facebook Comments