COAST GUARD YA DALE WARNING CON EL PUBLICO CHENE HOME STAY ESTRANGHERO

*COAST GUARD YA DALE WARNING CON EL PUBLICO CHENE HOME STAY ESTRANGHERO*
*BHONG SIMBAJON*

El Zamboanga City Coast Guard Station ya dale warning con el publico para reporta na otoridad si chene canila ta man – home stay – estranghero aqui na ciudad.

Este porcausa cay ta queda manada el mga estranghero que ta llega na ciudad, sin embargo, hinde estos ta rehistra diila llegal na Ahensya de Imigrasyon, sino ta esta y acomoda lang dilla mga conosido aqui na ciudad.


Asegun con el comandante del Zamboanga City Coast Guard Station LTCDR Alvin Dagalea, en tiempo si esos mga estranghero hay toma ventaja y anda man lang pasya nga mga sercano isla o provincia aqui na rehiyon, sila hay cuji conesos y interroga para determina el diila objeto na andada na tal locasyon critical.

Si Dagalea ya abla cay hinde tambien sila permiti conesos mga estranghero viaja para na otro mga provincia sin acomodasyon del Imigrasyon y coordinasyon na mga otoridad donde el diila destinasyon.

El mismo hefe ta dale warning con el cuantos mga vivientes que chene “Home Stay” estranghero para reporta y rehistra conesos na Imigrasyon para fuede man-monitor donde sila ta anda aqui na ciudad o ta sale ba sila na otro provincial.

Si ta acorda, dos ya nga foreign nationals, como un Swedish y Arabo el con quien ya aguanta el PCG na pantalan local del diaz pasao desfues esos procura munta lantsa para na Isla de Basilan. *– Bhong Simbajon/RMN News*

Facebook Comments