COCHE QUEBRANTAO NA UN ACCIDENTE VEHICULAR ENANTES MADROGADA

Bien quebrantao el un Toyota Altis color Silver Grey cuando yah ace este sungcal enantes madrogada con el center island del Veterans Avenue na vicinidad amediante del Sta. Cruz Public Market y sementeryo.

El vehiculo stave na fueblo cuando ya llega alyi na mencionao vicinidad, ya man-bangga este con el concreto semento na center islnd, rason para guinda este na otrolao del camino.

Bien quebrantao el vehiculo con placa numeroXTE 231 que asegun con el cuantos testigo tambay na lugar del tianggue, bien corre este y ya uwi ya lang sila un suena sonor que desfues ya mira sila con el corre vehiculo bungcao ya el ngusu y ya guinda na otro lao del camino.


Con el victima chuffer ya lleva ya na sercano ospital mientras el policia ta imbestiga pa si quien el victima y el rason si porque ele ya man-bangga na center island. – *Bhong Simbajon/RMN News*

Facebook Comments