COCPO, andam mohatag security assistance kung kinahanglanon sa P-DEA Region 10 sa ilang operasyon

Andam sa gihapong moabag ang Cagayan de Oro City Police Office o COCPO sa Philippine Drug Enforcement Agency o P-DEA Region 10 kung kinahanglanon ang ilang tabang sa ilang himuong operasyon.

Kini ilabina sa security assistance panahon sa ilang operasyon aron usab nga maabagan ang P-DEA batok sa posibling mga armadong suspek ilabina nga kulang ang personahe niini.

Apan giklaro usab ni COCPO Spokesperson Chief Insp. Mardy Hortillosa nga bisan kung wala na sila sa operasyon batok illegal nga druga mahimo gihapon silang modakop panahon nga ilang nakita ang usa ka illegal nga transaksyon.


Dili na matud pa mahimong hulaton sa ingon niini nga sitwasyon ang mga operatiba sa P-DEA tungod kay nasapon sa akto sa usa ka pulis ang maong suspek.

By: RadyoMaN Ellah Baculio

Facebook Comments