General santos City— Giangkon ni Gensan City Mayor Ronnel Rivera nga aduna na siya’y gihuptan nga listahan sa mga mamahimong pilian nga mahimong permanenteng City Director Sa Gensan City Police Office.
Kung asa gibutyag niini nga gikan sa lima nga mga opisyal, si Police Senior Superintendent Romeo Ruel Berango lang ang iyahang nailhan ug dili matud pa niya buot magbutang ug tawo sa posisyon nga wala niya nailhan.
Dugang pagbutyag ni Mayor Rivera nga aduna gyuy dakong bentaha si Col. Beragno nga mahimong city director gumikan sa kasamtangan man kining naglingkod isip acting city director.
Pamahayag niya nga kabisado na ni Col. Berango ang Gensan ug dugay na usab kining nagpuyo sa dakbayan luyo pa man nga aduna kini gina-atubang nga mga isyu.
Apan, gipaklaro niya nga samtang iyaha pang gina-review ang profile sa ubang mga ginapilian, magpanilin niyang bantayan ang performance ni Col. Berango.
Kahibaluan nga apil sa mga ginapilian nga mahimong labaw sa General Santos City Police Office mao silang Police senior Superintendent Reynaldo Celestino, Police senior Superintendent Jonathan Tangonan, Police Senior Superintendent Edwin Quilates, Police Senior Superintendent Esmeraldo Osia J rug Police Senior Superintendent Romeo Ruel Berango.
