Col Berango maka-trabaho gihapon bisan gi-deklarang persona non grata sa Gensan

General Santos City—makahimo lang gihapon sa iyahang trabaho si Police Senior Supt. Romeo Ruel Berango isip City PNP Director sa syudad sa Gensan bisan pa ug nadeklara kining persona non grata sa Sanguniang Panglungsud kagahapong adlawa mao kini ang nahimong pamahayag ni Police Sr. Supt. Leonardo Suan ang Deputy Regional Director for Operation sa PRO 12.

Sumala pa ni Col. Suan nga dili kini maka-apekto sa trabaho ni Col. Berango tungod kay maka-trabaho gihapon kini luyo paman sa pagsalikway kaniya sa mga konsehal sa syudad.

Gihingusgan sa opisyal nga mga tao matud pa ang ginaserbisyohan sa PNP ug dili lang ang konseho hinungdan nga walay rason nga moundang ug trabaho si Col. Berango tungod aduna kini mandato nga ginasunod.


Samtang mag depende usab matud pa kang Chief Supt. Cedric Train ang Regional Director sa PRO 12 kung ilang ilisan sa pwesto si Berango tungod kay sa karon wala pa nila nadawat ang kopya sa resolusyon nga nag deklara kang Berango nga persona non grata. (Dave Silagan)

Facebook Comments