Col. misukol sa gihimong drug buy-bust operation sa CITF ug PDEA, Patay!

691

Dipolog City-Patay ang usa ka pulis human sa gihimong drug buy-bust operation pasado 7 sa gabie sa gihimong operasyon sa taga Counter Intelligence Task Force (CITF) uban sa Philippine drug enforcement Agency (PDEA) didto sa may Andres Bonifacio College, Brgy. Miputak, Dipolog City.

Ang nahisgutan nga operasyon gi target si PSupt. Santiago Ylana Rapiz, naka assign sa Provinvcial Logistic Branch sa Zamboanga del norte police provincial office.


Sa impormasyon nga nakuha gikan kang ZNPPO Information officer PSupt. Charisse Yabo, anaa kini sulod sa Andres Bonifacio College Gymnasium sa dihang nahitabo ang maong operasyon.

Matod usab sa Hepe dinhi sa dakbayan sa Dipolog nga si Chief Insp. Joseph Ortega pagkahuman ug dula ni Psupt. Rapiz sa basketball, didto na nahitabo ang drug buy-bust ug naka bantay kini nga taga PDEA ug CITF ang iyang ka transaksyon hinungdan nga matod pa mibunot kini sa iyang armas ug nagpa buto, hinungdan nga mibalos ug pabuto ang taga PDEA ug CITF.

Nakaangkon ug samad sa iyang lawas ang target nga pulis ug dali kining gidala sa Corazon Aquino Hospital apan gedeklarang DOA.

Nakuha sa lugar nahitaboan ang armas lakip na ang gikatahapang Shabun nga gisulod sa plastic bag nga mokantidad sa P50mil.

Kahibaloan kini si Kernel Rapiz, nahimo kining Hepe sa Negros Occidental Police Provincial Office sa PCR sa wala pa kini na relieve niadtong tuig 2016 tungod matod pa sa pagkalambigit sa ginadiling drogang Shabu.

Nahimo usab king hepe sa Victorias City ug sa Escalante City ug expert kini sa paghawid sa armas.

Kasamtangan karon padayon ang gihimong imbistigasyon sa PNP Dipolog ug sa Zamboanga del norte Police Provincial Office.

Facebook Comments