Col. Supiter naghatag ug eksplenasyon human nalutsan ug peke ug smuggled nga sigarilyo

10

General Santos City–Gabie kung mag-operate ug adunay mas advance nga himan ang mga suspect nga nagapasulod ug peke ug smuggled nga sigarilyo sa syudad hinungdan nga makalusot, mao kini ang nahimong pagpasabot ni Police Sr. Supt. Raul Supiter ang City Director sa Gensan Police Office.

Sumala pa ni Col. Supiter nga sa karon hugot gihapon ang ginahimong siguridad palibot sa syudad dili lang sa GSCPO lakip na ang Maritime Police, Philippine Coast Guard ug Philippine Navy tungod na usab sa padayong bahad sa seguridad batok terorismo.

Apan aminado ang opisyal nga nalutsan matud pa kini sa mga iligal nga kontrabando tungod kay gabie matud pa mag-operate ang mga nasangpit ug adunay himan nga ginagamit aron maka-operate sa ilahang mga motorize Bangka bisan sa gabie.

Dugang pa niini nga mas maampingon na matud pa ang mga nasangpit sa ilahang pag pasulod sa ilahang prudokto ug ginatabunan kini aron nga dili mahibaw-an nga mga iligal nga sigarilyo ang ilang dala.

Samtang gigutyag pa ni Supiter nga daghan gyud ug lutsanan sa Gensan hilabi na kung sa dagat iagi ang mga kontrabando. (Dave Silagan)

Facebook Comments