Col. Wanky: BCPO nakahanda na sa liwat nga pag-upod sang PNP sa drug operations

77

Bacolod City  –  Ginakabig ni Bacolod City Police Office – PNP Acting City Director Police S/Supt. Jack Wanky nga isa ka welcome development ang pinakaulihi nga direktiba ni Pres. Rodrigo Duterte nga ibalik na sa national police ang operation batuk sa illegal drugs.

 

Ginpahayag ni Wanky nga isa ini ka maayo nga development kon diin nagapati siya bangud sang paghagan-hagan sang operasyon sang pulis sa ginadumilian nga druga, nagsaka ang kaso sang krimen particular ang kinawatay.  Suno kay Wanky nga ginapaabot niya nga mabaton sini nga semana ang kopya sang direktiba sang PNP angut sa pagbalik na sa kamot sang PNP sang illegal drugs operations.

 

Sa pihak nga bahin, ginpahayag ni Wanky nga padayon nila karon nga gina account ang ila personnel kabahin sang preparasyon para sa seguridad sa natalana nga pagpatigayon sang isa sa mga ASEAN summit meeting diri sa ciudad.

 

Sa bahin sang augmention, gin-ako ni Wanky nga isa ka challenge para sa iya liderato ang kamatuuran nga gina-kulang gid man sang police personnel apang nagatinguha siya nga ma-manage ang limitado nga resources agud ma comply ang requirement para sa security detail sang mga delegado.



Facebook Comments