Colonel Leander sabton ang subpoena nga ginpadala sang CHR12.

14

Atubangon niya ang subpoena nga ginpadala sang Commission on Human Rights
ukon CHR Region 12 suno kay Lt.Col Benjamin Leander, anay Battalion
Commander sang 27th IB, Philippine Army agud sabton ang mga alegasyon sang
mga lumad kag himata ni Ka Victor nga napatay sa nagluntad nga bakbakan
sang suldado kag ginaaligar miyembro sang New People’s Army ukon NPA sa
Sitio Bonglangon, Barangay Ned, Lake Sebu, South Cotabato sang nagligad nga
tuig sa diin pito ang patay kag may mga pilason pa.

Dugang pa niya, nagpangayo lang sya sa extension sa CHR para maplastar ang
iya sabat kag oportunidad man suno pa ini para mabatian ang ila nga bahin.

Samtang isa man si Lt.Col Harold Cabunoc, battalion Commander sang 33rd IB,
Philippine Army ang ginpadal-an subpoena sang CHR agud nga sabton ang
kapareho nga alegasyon sang mga biktima.

Madumduman nga indi kumbinsido ang mga himata sang biktima nga engkwentro
ang nagluntad nga ginkapatay sang ila katribu kag hugot ang ila nga pagpati
nga paglapas sa tawhanong kinamatarong sa nasambit nga insidente.

www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments