BACOLOD CITY – Nagalaum naman si City Election Officer Atty. Mavil Majarucon Sia nga sundon sang mga kandidato ang campaign rules matapos man nga ginpatigayon kahapon ang unity walk kag signing sang peace covenant sa Bacolod City Public Plaza kahapon.
Gina-remind ni SIA ang mga kandidato nga dapat mag-cooperate ang tanan para sa matinlo, honest kag credible nga election sini nga 2019.
Dugang pa sini nga maga-padala man siya sang notisya sa tagsa ka kandidato sa ti-on nga may makita ang Comelec nga violation sang campaign rules particular na ang pagpangdakup sang mga poster sa indi designated common poster area.
Samtang, sa bahin sang grupo progreso, lakip sa mga nag-attend si Congressman Greg Gasataya.
Suno kay Gasataya nga kuntani sundon sang tanan nga kanditado ang campaign rules bangud nga amo ini ang ila ginlagda-an.
