General Santos City–Pila ka adlaw ayha ang election, gitambagan ni Atty. Jay Gerada ang mga botante sa South Cotabato nga tan-awon daan sa mga buhatan sa Comelec sa nagkandaiyang Syudad ug munisipyo sa probinsya ang ilang mga pangalan.
Sumala niini nga iya nang gimanduan ang mga election officers sa South Cotabato nga ipaskil ang voters list sa ilang mga buhatan.
tumong niini aron nga masuta daan sa mga botante ang ilang mga presento aron pag-abot sa pinilay, dili masayang ang ilang oras sa pagpangita sa ilang mga pangalan sa mga eskwelahan.
Gipahimangnuan usab ni Atty. Jay Gerada ang mga kandidato sa umaabot nga SK ug Barangay election nga sundon ang tanang regulasyon sa Comelec sa ilang pagpangampanya.
Usa niini ang pagbutang sa ilang mga posters, dapat sumala pa didto lang gyud magbutang sa ilang mga posters sa common poster area.
Dapat usab sundon ang saktong size sa mga campaign materialās gumikan kung dili nila kini sundon, posibling kini pa ang hinungdan nga sila madiskwalipika sa election.
