COMELEC nagpahinumdom sa SOCE deadline

34

Davao City – Nagpahinumdom karon ang Commission on Election (COMELEC)-XI sa mga lokal nga kandidato labot sa deadline karong adlawa, June 13, 2019 sa pagsubmitar sa ilang statement of contributions and expenditures (SOCE) o ang ilang nagasto atol sa eleksyon.

Sumala kang Atty. Krisna Samantha Caballero, spokesperson sa COMELEC-XI, mag-atubang gayud og silot ang mga kandidato nga pakyas nga makasubmitar sa SOCE ngadto sa COMELEC.


Una nang gipasabot sa opisyal sa DXDC RMN Davao nga obligado nga mo-submitar sa SOCE ang kandidato pildi man o daug sa eleksyon.

Nasayran nga ilawom sa balaod, kinahanglang ma-submitar ang SOCE, 30 ka adlaw human ang piniliay. Mag-atubang usab og administrative fine gikan sa P1,000 ngadto na sa P10,000 ang mga kandidato nga pakyas nga makasubmitar sa maong rekisitos.

RadyoMaN Kirby Manzon

Facebook Comments

From Advertisers