Pagadian City – Subling nag-awhag ang Commission on Elections (Comelec-Pagadian) ngadto sa mga buot magparehistro nga pahimuslan sa voter registration nga magsugod Enero 20 ning tuiga hangtud September 30, 2021.
Sa interview sa RMN-DXPR Pagadian kang Atty. Jed Labador, ang city comelec officer abli ilang buhatan sugod alas 8 am to 5 pm, lunes hangtud sabado, lakip holidays.
Sigon ni Labador kinahanglang magahin sa oras ang katawhan nga makaparehistro ilabina nga taas kaayo ang panahon nga gihatag kanila.
Naghinaot ang comelec nga dili na hulaton pa ang katapusan adlaw ayha magparehistro.
Lakip nga makaparehistro ang nag-edad sa 18-anyos atol ug sa dili pa ang Election Day karong May 9, 2022, nagpuyo sa Barangay bisan sulod sa unom ka bulan.
Ang Comelec subling nigahin og dugang hugna sa voter registration dihang gi-uktaba ang May 2020 Barangay and Sangguniang Kabataan Elections.
