COMELEC PANGASINAN, HANDA SA PAGTANGGAP NG ELECTORAL PROTEST MULA SA PARTIDO NA HINDI SANG AYON SA RESULTA NG HALALAN

Ipinayo ngayon ng Commission on Elections (Comelec Pangasinan) na ang mga hindi nanalong kandidato o sinumang hindi kuntento sa resulta ng halalan ay malayang maghain ng reklamo o protesta pagkatapos ng pormal na proklamasyon ng lahat ng mga nanalong kandidato sa halalan ngayong taon.

Ito ay kasunod ng ginawang press conference ng dalawang kampo sa pagka gobernador ukol sa umano’y iregularidad na naganap sa May 9 polls.

Sinabi ni Provincial Election Supervisor Atty. Ericson Oganiza na maaari silang maghain ng kanilang election protest para sa rebisyon ng mga balota, ngunit kailangan nilang hintayin ang pormal na proklamasyon ng mga nanalo dahil wala nang kontrobersya sa pre-proclamation dahil sa automation ng ang halalan.

Sinabi ni Oganiza na sa pamamagitan ng rebisyon ng mga balota o ang manual recount, maaari nilang masuri ang mga umano’y iregularidad. | ifmnews

Facebook Comments