Nagahulat sila sa subong suno kay Atty. Duque Kadatuan, Election Supervisor sang South Cotabato sang kamanduan sang Comelec national kon ano gid nga petsa ipatigayon ang special election para sa posisyon sang House of Representative sa lone district sang General Santos City kag first district sang South Cotabato.
Suno kay Atty. Kadatuan ini tungod base sa Comelec Resolution 10524 within seven months ukon sa bulan na sang Nobyembre ipatigayon ang special election sa nasambit nga mga lugar.
Ginpahayag man sini nga may matabo sa gihapon nga filing sang certificate of candidacy sa mga may handom nga magpapili bilang kongresista sa nasambit nga mga distrito.
Nahibaluan nga ginpaiway ang pagpainiliay sa amo lamang nga posisyon tungod sa pagpatuman sang balaud nga nagatukod sang separado nga distrito sa General Santos City kag isa pa ka distrito sang South Cotabato nga ginabug-usan sang Tampakan, Tupi kag Polomolok.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
