COMMERCIAL FLIGHT PASULOD UG GENSAN, TEMPORARYONG GISUSPENDE

13

General Santos City— Temporaryong gisuspinde ang mga commercial flight pasulod sa Gensan. Sumala ni Gensan Mayor Ronnel Rivera, ang usa sa rason niini mao ang kakulangon sa mga Medical Health Workers sa syudad.


Pag-angkon niini nga ang uban nga mga health workers ang naka-quarantine samtang ang uban ang naka-focus sa pagpahigayon ug contact tracing. Luyo matud pa sa padayon nilang pag-hire ug mga Doktor ug nurses daghan ang nahadlok tungod sa posibleng ma-apektuhan sa covid.

Busa nihangyo sila sa mga airline companies nga kung mamahimo sa bulan na sa Oktubre mag-resume ang ilahang commercial flight human ang implementasyon sa EO45. Dugang pamahayag ni Mayor Rivera nga ilahang ginatuman ang protocol gikan sa nasyunal hilabina ang pagdawat sa mga LSI ug ROF.

Apan kung magdawat pa ug mga pasahero gikan sa mga commercial flight, maglisod na ang lokal nga panggamhanan tungod sa kulang nga ihap sa mga Health Workers. Pagpaklaro sa Mayor nga padayon ang operasyon sa mga Cargo Flights ug abli gihapon ang Gensan Airport para sa mga outbound nga byahe.(LVR)

Facebook Comments