Boracay, Island — Ginreklamo it sangka Israeli national sa Boracay Tourist Assistance Center (BTAC) rong sangka commercial sex worker matapos nga ana rayang takawan kaina it aga-aga.
Ro biktima nakilaea kay Ilay Nir, 23-anyos ag nagabakasyon eamang sa isla it Boracay.
Base sa panaysayon ni Nir sa kapulisan nga matapos sandang maghieawas ni alyas “Joy” hay ginbuoe ro ana karang cellphone ag pumaeagyo.
Pinaagi man sa Google Phone Locator insigida nga na locate ro nasambit nga babaye ag nabawi kana ro anang tinakaw nga cellphone.
Uwa man eon magpasaka pa it kaso ro nasambit nga Israeli national.
Facebook Comments
