Commissioner Chito Gascon, gin-akusahan ni Pangulong Duterte nga ginapolitika ang CHR

22

Gin-akusahan ni Pangulong Rodrigo Duterte si Commissioner Chito Gascon nga gina-politika ang Commission on Human Rights ukon CHR sa baylo nga tutukan ang mga importante nga isyu nga nagakatabu sa pungsod.

Sa iya pagpamulong-pulong sa Matina Enclaves kagab-i, ginpahayag sang Presidente nga wala gid sini mabatian ang CHR nga nag-wangal sa nagakatabu adlaw-adlaw sa Marawi City kon sa diin gina-rape sang mga terorista ang ila mga bihag nga mga babaye.

Ginhimo ni Duterte ang iya pahayag natuhoy sa CHR sa iya pag-atubang kaySPO2 George Rupinta nga ginbuy-an sang New People’s Army makaligad ang tatlo ka bulan nga pagkabihag.

Sa amo man nga tion, ginkuwestyon man ni Duterte si Gascon nga mahilig magtutok sa kaso sang mga teenagers nga kalalakin-an nga napatay sang mga pulis.

Bangud sini, ginsiling sang presidente nga nagaduda siya nga “agi” ukon pedophilia ang CHR Commissioner.

(photo from web)

Facebook Comments