Commuters ‘mo-comply nalang’ sa P2 fare increase

44
Davao City – Dawat-dawat nalang, Kini ang reaksyon sa usa ka Davaoeño human nga giaprubahan sa Land Transportation Franchising and Regulatory Board (LTFRB), ang dugang P2.00 nga pamasahe (base fare) sa Public Utility Jeepney (PUJ) sa tibuok nasud (nationwide).

Sa interbyu sa DXDC RMN Davao kang Marlou Salazar, taga Barangay 9-A, Davao City, gisaysay niini bug-at man ang P11 nga minimum fare, sabton nalang niini ang sitwasyon tungod sa padayong pagtaas sa presyo sa produkto sa petrolyo diin apektado usab ang mga jeepney drivers.

“Sa tinuod lang gyud mura’g bug-at na gyud nang dos pesos pero tungod pud siguro sa kamahal sa gasolina, wala ‘tay mabuhat,” reaksyon ni Salazar.

Apan giklaro sa LTFRB nga walay increase sa succeeding kilometers.

Kahinumduman, niadtong June 8, 2022, giaprubahan sa buhatan ang P1 nga provisional fare increase sa PUJs sa National Capital Region (NCR), Central Luzon and Calabarzon.

RadyoMaN Kirby Manzon

Facebook Comments