Un alegao adicto de droga el precura copla de tiro con un empleyao del un rehabilitation center adentro del Police Station 11 del Huwebes denoche.
Con el suspechao ya nombra el maga pulis como si Dexter Carilla, 36, de Baliwasan.
Con Carilla ya lleva na estacion del pulis seguiendo con el pedido del su nana para puede conele lleva na Chemical Dependency Treatment Center in ciudad de Ozamis.
Pero cuando ya llega ya sila na police station 11 y talya ya tambien el maga personahes del mencionao center, derepente si Carilla ya arangca pistol y ya planta con Atie Kalbi, unu delmaga staff del center.
Mirando con el situacion, dayun tambien si Supt. Ariston Limos ya precura rebate con el pusil donde mientras taman rebatahan estos con el pistol, ya rebenta este y ya tupa na bentana del opesina.
Ya puede siempre desarma con Carilla y ya pone con este adentro del carcel.
Carilla reportaomente ya saca el P800,000 cen y un rado relo del su nana del mes pasao.
