Pilason ang 42-anyos nga supervisor matapos luthangon sang wala pa matumod nga suspek 11:20 sang nagligad nga aga sa Sitio New Antique, Barangay Lambontong, Surallah, South Cotabato
Suno sa report sang Surallah PNP samtang ginabaybay ni Noel Robillos Galay, 42anyos, may asawa, Dole Supervisor, residente sang Purok Rizal, Barangay Naci sa nasambit nga Banwa ang dalan halin sa Barangay Lamba, Banga padulong sa Sitio Antique, Barngay Lambontong sang Surallah, sakay sa iya Honda XR200 nga motorsiklo, nagaduag sang pula, apang pag-abot sa Quibete Farm hinali na lang suno pa ini nga ginluthang sang wala nakilal-an nga suspek.
Bangud sa insidente nakaangkon sang igo sang bala ang biktima sa iya likod kag tiyan samtang madasig naman nga nagpalagyo ang suspek.
Gilayon naman nga gindala ang biktima sa pribado nga ospital sa syudad sang Koronadal para sa maid-id nga medikasyon.
Narekober naman sa gintabuan sang krimen ang 2 ka basiyo sang caliber 45.
Padayon naman ang ginahimo nga imbestigasyon sang Surallah PNP sa posibli motibo kag pagdakadakop sa suspek.
