Davao City – Patay ang usa ka lalaki samtang laing lima ang samaran human nahitabo ang aksdenti alas-4:30 takna ang takna Miyerkules sa hapon sa Prk. 26 Sitio Quarry Brgy. Ngan Compostela , Compostela Valley.
Sumala sa report nga nahipos sa kapulisan, naglawig ang usa ka Isuzu Cargo Truck nga kargado og slab sa kahoy subay kini sa Cateel Compostela Road padulong Panabo Davao del Norte nga gimaneho ni Cielito Castrodes, 60 anyos, negosyante, ug residente sa Prk. Manga Brgy. Caganguhan Panabo City Davao del Norte.
Sakay sa maong truck sila si Danny Flores, 52 anyos, Justine Tedra, 60 anyos, John Kenneth Relatado, 18 anyos, Francisco Relatado, 34 anyos, Lolita Jariquivil, 54 anyos, ug Alex Cardeno, 30 anyos, puros residente sa nahisgutang lugar.
Miguwa sa imbestigasyon nga nawad-an og control ang driver sa sakyanan human wala na ni function ang break niini hinungdan nga mibangga ug nahulog kini sa canal sa karsada nga misulta sa pagkaangol sa mga sakay ug pagkamatay ni Alex Cardeno kinsa nakahiagom og dakong samad sa agtang.
Daling gidala ang mga na-angol ngadto sa Compostela Valley Provincial Hospital samtang ang sakyanan gikustodiya sa kapolisan.
RadyoMaN Juls Catisay
