Con un mujer ya mata y ya entera pa

Depues del mas de dos semana ya sale perido el un mujer, finalmente ya encontra consu cadaver enterao na un sapa na Sitio Cabigan, Maasin enantes antede man alas dose del medio dia.
Con el victima ya nombra como si Riza Mae Toribio y Cuartocruz, 22, nativo de Mercedes y ta queda junto consu live-in-partner si Edison Macansantos, 40, na Sitio Cabigan, Maasin.
Asegun na report del pulis, si Toribio ya sale perdido del Enero 29 pa cuantos dia pa el ya pasa antede reporta su nana na estacion del Sinunuc.
Asegun con Sr. Insp. Daniel Taub dayun sila ya conduci el embuscada con Toribio pero ya falia sila encontra despues el de este live-in-partner si Macansantos gende ta coopera con el maga otoridad.
Hasta por ultimo enantes serca man alas dose, ya recobri con el cuerpo di Toribio enterao na un sapa na propiedad di Macansantos.
Dayun tambien ya sale deseparasao si Macansantos rason para suspecha conele el maga pulis como tiene que hace con el matansa con Toribio.
Mas de ese, si Macansantos asegun ta hace pasipala con Toribio el tiempo junto pa sila.

Facebook Comments